Hvað er að vera stjörnufélagi?

Þann 1. maí 2016 tók UMF Stjarnan upp í samræmi við lög félagsins, félagsgjald fyrir félagsmenn sem greiða ekki æfingagjald. Félagsgjald Stjörnunnar er 4.500 kr. á hvern félaga. Tekjurnar af félagsgjaldinu hvert ár eru nýttar til að fara í nauðsynlegar endurbætur og viðhald á Stjörnuheimilinu sem upphaflega var byggt með söfnun og átaki sjálfboðaliða félagsins.

Á hverju ári er iðkendum eldri en 18 ára og forráðamönnum iðkenda félagsins sendur valkvæður greiðsluseðil í heimabankann sem við hvetjum alla til að greiða og leggja þannig sitt að mörkum við uppbyggingu og viðhald á félagsaðstöðu félagsins.

HLUNNINDI SEM FÉLAGSMAÐUR STJÖRNUNNAR NÝTUR:

  • hefur atkvæðisrétt á aðalfundi félagsins
  • fær 10% afslátt af leigu á Stjörnuheimilinu
aðalfundur stjörnunnar

Aðalfundur U.M.F Stjörnunnar

Verður haldinn í hátíðarsal Stjörnunnar, fimmtudaginn 15.apríl kl: 17:15.

Fundurinn verður einnig í beinni útsendingu í gegnum fjarskiptabúnað.

Dagskrá:
Hefðbundin aðalfundarstörf

Við hvetjum alla félagsmenn Stjörnunnar til að mæta á fundinn. Vegna  fjöldatakmarkana af völdum Covid, þarf að skrá mætingu á fundinn en sú skráning mun fara fram á heimasíðu Stjörnunnar og er opin frá 1.apríl til miðnættis þann 14.apríl 2021.

Við minnum einnig á að hægt er að greiða félagsgjald U.M.F Stjörnunnar inni á heimasíðu félagsins. Með greiðslu á félagsgjaldinu öðlast viðkomandi atkvæðisrétt á aðalfundi félagsins.

Mikilvægt er að þeir sem hyggjast nýta sér atkvæðisrétt sinn, gæti þess að þeir séu skráðir á fundinn svo tryggt sé að viðkomandi geti nýtt sér rafrænt kosningakerfi.

Að öðru leyti er vísað til laga félagsins, varðandi hefðbundin fundarsköp.

Aðalstjórn U.M.F Stjörnunnar