BARNA- OG UNGLINGASTARF

Skilmálar og reglur.
0
Fjöldi iðkenda
0
Fjöldi drengja
0
Fjöldi stúlkna

Barna- og unglingastarf knattspyrnudeildar Stjörnunnar er eitt það fjölmennasta á landinu með u.þ.b. 1.000 iðkendur í 2. til 8. flokki drengja og stúlkna. Við erum afar stolt af starfinu og okkar faglegu þjálfurum sem hafa ýmist lokið UEFA-A eða UEFA-B gráðu frá KSÍ eða eru í því ferli að klára gráðurnar. Þjálfararnir eru afar reynslumiklir í bland við framtíðar þjálfara sem eru að taka sín fyrstu skref í þjálfun. Starfið okkar er leitt af Páli Árnasyni, yfirþjálfara stúlkna og 7 mannabolta og Ejub Purisevic, yfirþjálfara drengja (11 mannabolta) sem búa yfir gríðarlegri þekkingu og reynslu í þjálfun yngri flokka og meistaraflokka. Andri Freyr Hafsteinsson hefur yfirumsjón með styrktar- og þolþjálfun og eldri iðkendur geta nýtt sér aðstoð og ráðleggingar sjúkraþjálfara sem er á Stjörnusvæðinu tvisvar í viku. 

Keppnis- og æfingaaðstaða deildarinnar er á Samsungvellinum og völlum í kringum hann, samtals tveir gervigrasvellir í fullri stærð og þrír gervigrasvellir í hálfri stærð. Fyrir lok árs 2021 mun svo glæsilegt fjölnota íþróttahús, með gervigrasvelli í fullri stærð, opna í Vetrarmýri. 

Það er skýr metnaður og aðalmarkmið okkar að skapa faglega, jákvæða og uppbyggilega umgjörð fyrir iðkendur okkar til að þroskast, dafna og ná árangri – hver og einn á sínum eigin forsendum. Metnaðurinn liggur einnig í því að byggja upp sterka einstaklinga, sem læra að takast á við krefjandi verkefni, sigra og ósigra og styrkja þannig félagsfærni og gera þeim þannig betur kleift að takast á við aðrar áskoranir í lífinu. 

Á vormánuðum höldum við glæsilegt TM-Mót Stjörnunnar þar sem um 3 – 4.000 iðkendur í 6., 7., og 8. flokki drengja og stúlkna mæta til leiks. Mótið er á sama tíma stærsta fjáröflun yngri flokkanna fyrir stóru sumarmótin ár hvert og endurspeglar umgjörð mótsins, sem er í höndum foreldra, frábært foreldrastarf í yngri flokkum deildarinnar. 

Barna- og unglingaráð knattspyrnudeildar Stjörnunnar 

Samsung-Logo_white
olgerdin_logo_white
TM_Logo_Green_RGB
AO_white
dominos_white