Tryggingamál iðkenda
stjarnan-header-1

Tryggingamál iðkenda

Meginreglan er að iðkendur UMF Stjörnunnar eru ekki tryggðir á vegum félagsins þó þeir stundi æfingar og keppni á vegum þess.  Iðkendur félagsins kunna að eiga rétt til bóta úr íþróttaslysasjóði ÍSÍ sbr. reglugerð sambandsins um sjóðinn (www.isi.is) eða frá Tryggingastofnun ríkisins sbr. reglugerð Heilbrigðis- og tryggingaráðuneytisins frá 2002 (www.tr.is).  
 
Iðkendur eða forráðamenn þeirra bera sjálfir ábyrgð á að afla tilskilinna gagna.  Nauðsynleg eyðublöð fyrir tilkynningu er hægt að nálgast á heimasíðu ÍSÍ undir Íþróttaslysasjóður. Aðstoð við útfyllingu og frágang skjala er hægt að fá á skrifstofu Stjörnunnar.

Eftirfarandi á við samningsbundna leikmenn meistaraflokka.
 
UMF Stjarnan greiðir sjúkrakostnað samningsbundinna leikmanna meistaraflokka skv eftirfarandi:
Leikmenn annast sjálfir öll samskipti við íþróttaslysasjóð ÍSÍ og sækja í sjóðinn endurgreiðslur vegan sjúkrakostnaðar skv gildandi reglum sjóðsins á hverjum tíma.  Sjóðurinn greiðir tiltekið hlutfall kostnaðar (40% í janúar 2012) gegn framvísun fullnægjandi gagna.

Eftirfandi fæst endurgreitt að hluta hjá ÍSÍ gegn framvísun frumrits reiknings:
læknisviðtöl
myndataka
segulómun
aðgerðir
komu og endurkomu á slysadeild
sjúkraþjálfun (verður að fylgja beiðni læknis)
 
Sækja þarf um innan 12 mánaða eftir að slysið á sér stað. Það þarf að fylla út umsókn varðandi hvert slys.  Eyðublaðið er m.a. að finna á heimasíðu ÍSÍ, www.isi.is undir liðnum Íþróttaslys. (beinn hlekkur í eyðublaðið hér).
 
Ef lækniskostnaður (læknisviðtöl, myndatökur, ómun, aðgerðir) er kominn yfir kr. 28.000 á sama almanaksári þá stofnast inneign hjá Sjúkratryggingum Íslands vegna hluta kostnaðar yfir 28.000 kr.  Í þeim tilfellum þá þarf að fylgja málinu afrit af greiðsluyfirliti frá Sjúkratrygginum Íslands þar sem fram kemur upphæð inneignar/endurgreiðslu Sjúkratrygginga.
 
Hvað fæst EKKI endurgreitt hjá ÍSÍ
kostnaður vegna sjúkrabíls eða flugfargjalda í tengslum við lænkisþjónustu
lyfjakostnaður
stoðtæki
tannslys
ÍSÍ tekur ekki þátt í kostnaði þjónustu sem ekki er niðurgreidd af Sjúkratryggingum Íslands.

Reglugerð um sjóðinn er einnig að finna á heimasíðu ÍSÍ – það er alltaf gott að lesa hana yfir.
 
Hvernig þarf að bera sig að
Fylla út eyðublaðið og fá kvittun og stimpil hjá þjálfara (innan 12mán.).
Senda eyðublaðið og öll nauðsynleg fylgigögn til ÍSÍ (ath. þessi gögn þurfa að vera frumrit).
Þegar tilkynning um inngreiðslu frá ÍSÍ kemur frá bankanum þarf að hafa samband við Höllu Kjartansdóttur hjá ÍSÍ This email address is being protected from spambots. You need JavaScript enabled to view it. og biðja hana um kvittun/sundurliðun á uppgjörinu. Þægilegast að fá þetta í tölvupósti.
•    Þessa sundurliðun (þar sem fram koma eftirstöðvar o.fl.) þarf að áframsenda á Stjörnuna This email address is being protected from spambots. You need JavaScript enabled to view it. ásamt reikningsupplýsingum fyrir innileggi (banki-hb-reikningsnúmer og kt.eiganda).
•    Stjarnan greiðir þann hluta sjúkrakostnaðar sem ÍSÍ greiðir ekki, þó þannig að Stjarnan greiðir ekki frekar en ÍSÍ fyrir lyf, stoðtæki eða tannslys.
 
ATH ofangreindar reglur gilda einungis um samningsbundna leikmenn meistaraflokka Stjörnunnar.  Stjarnan tekur ekki þátt í sjúkrakostnaði annarra iðkenda.

Iðkendur

SkraIdkanda
felagsgj-509x185
 
Gestabok
netsofnun
Gardabaer