Knattspyrna
stjarnan-header-1
tm-stjarnan-vefur-banner-1
Gildi3

Adda kveður.

Ásgerður Stefanía Baldursdóttir mun ekki leika með liði Stjörnunnar í Pepsi-deildinni á komandi keppnistímabili. Ásgerður lék sinn fyrsta leik með meistaraflokki í Stjörnunni árið 2005 og hefur hún því verið hluti af liðinu í 13 ár. Á þessum árum hefur hún leikið 271 meistaraflokksleik og skorað í þeim 37 mörk. Þá hefur hún jafnframt leikið 10 leiki með A-landsliði Íslands.

Á tíma sínum hjá Stjörnunni hefur Adda unnið fjóra Íslandsmeistaratitla og þrjá bikarmeistaratitlla, auk sigra í deildarbikar og Meistarakeppni KSÍ. Meirihluta þessara bikara hefur hún lyft sem fyrirliði.

Knattspyrnudeild Stjörnunnar þakkar Ásgerði kærlega fyrir hennar mikilvæga framlag til árangurs liðsins á liðnum árum og starf hennar sem mikilvirks félagsmanns. Jafnframt óskar knattspyrnudeildin Öddu velfarnaðar á nýjum vettvangi.

Mikil endurnýjun hefur átt sér stað á leikmannahópi Stjörnunnar undanfarin ár og er nú kominn til sögunnar öflugur kjarni yngri leikmanna sem í bland við reynslumeiri leikmenn myndar sterkt lið. Bindur knattspyrnudeildin miklar vonir við að þessir leikmenn muni blómstra undir handleiðslu nýs þjálfarateymis og berjast um þá titla sem í boði eru í kvennaknattspyrnu á Íslandi.

Iðkendur

SkraIdkanda

Fótbolti - Næstu Viðburðir

Enginn viðburður skráður
felagsgj-509x185
ERINDI 5 
 
 
Gestabok
netsofnun
Gardabaer